«100 нақты қадам» Ұлт Жоспарынан туындайтын міндеттерді іске асыру мақсатында барлық салалар бойынша кешенді шаралар қолға алынып, тиісті жұмыстар тұрақты ұйымдастырылуда. Мемлекет басшысы айқындаған бес институционалдық реформаны іске асыру жөніндегі «100 нақты қадам» – Ұлт жоспарының 80-қадамында Міндетті әлеуметтік медициналық сақтандыруды енгізу айтылған. Сондықтан 2017 жылдан бастап қолданысқа енгізілетін Міндетті әлеуметтік медициналық сақтандыру жүйесін тұрғындар арасында насихаттау жұмыстары қарқынды жүргізілуде. Медициналық сақтандыру мен әлеуметтік даму саласы бойынша ақпараттық-түсіндіру жұмыстарын жоғары деңгейде ұйымдастыру үшін Жаңақорған ауданы әкімінің 23.08.2016 жылғы № 09-ө өкімімен аудандық Түсіндіру Штабы және барлық елді мекендер бойынша түсіндіру жұмыстарының кестесі бекітілді. Осы кестеге сәйкес 29 тамыздан бастап Штаб мүшелері елдімекендерді аралап, ақпараттық-түсіндірме жиындарын өткізіп, тұрғындар тарапынан туындаған сұрақтарға жауап беруде. Штаб мүшелері бүгінгі таңға дейін Көктөбе, Қандөз, Қаратөбе, Келінтөбе, Түгіскен, Бесарық, Талап, Манап, Қосүйеңкі, Қыраш, Бірлік, Сунақата, Төменарық, Қожамберді, Сүттіқұдық елдімекендерін аралап шықты. Ақпараттық-түсіндірме жұмыстары жыл соңына дейін жалғаса бермек...
Жаңақорған аудандық орталық
ауруханасының баспасөз қызметі
