View the embedded image gallery online at:
https://openjanakorgan.kz/razvitie/is-sharalar?start=85#sigProIdfeceeb3e3c
Дүниежүзілік қант диабетімен күрес күніне орай Жаңақорған аудандық салауатты өмір салтын қалыптастыру құрылымдық бөлімшесі мен аудандық емхана мамандары бірлесіп апталық шараларын ұйымдастырды. Апталық аясында емдеу және алдын алу ұйымдарында ашық есік күндері жарияланып, аудандық емханадағы телеэкрандар арқылы қант диабеті туралы бейнероликтер көрсетілді. Бас дәрігердің орынбасары А.Қаратаева бастаған эндокринолог, кардиолог, терапевт, педиатр, офтольмолог және жалпы тәжірбиелік дәрігер мамандар тұрғындарға медициналық көмек көрсетіп, салауатты өмір салтын қалыптастыру бөлімшесінің мамандары тақырыптық үнпарақшалар таратып, үгіт-насихат жұмыстарын жүргізді. Қаралуға келген тұрғындардың қант мөлшері, артериялды қан қысымы, холестерин және артық дене салмағы анықталып, тұрғындарға кеңестер берілді. Сондай-ақ психо-әлеуметтік профилактикалық скрининг бөлмесінің тиісті мамандары көздеулі топтағы адамдарды тексеруден өткізді. 15-ші қараша күні Талап ауылындағы № 254 орта мектептің мәжіліс залында ауыл тұрғындары арасында Талап дәрігерлік амбулаториясының аға дәрігері А.Қаратаева, эндокринолог А. Тұртанова мен жауапты маман Е.Бакиров, жастар денсаулығы орталығы мамандарының қатысуымен «Қант диабеті ауруының алдын алайық!» атты семинар өткізілді. Қант диабеті мен тұмау ауруының алдын алу жөніндегі насихат жұмыстары кент орталығында да ұйымдастырылып, темір жол вокзалы, орталық базар, Қазпошта мен Жаңақорған Халық банкі филиалында да жалғасын тапты.
