Кадрлық қызмет:
Ұйымда 159 жоғары білімді дәрігер жұмыс жасайды, дәрігермен қамтылу деңгейі 10 мың тұрғынға шаққанда 21.4.
Орта буынды мамандар - 873, орта буынды медицина қызметкерімен қамтылу деңгейі 10 мың тұрғынға шаққанда 117.4.
Ауылдық денсаулық сақтау саласын жаңғырту мақсатында аурухана статусы қазіргі таңда көпбейінді орталық аурухана болып ауысты. Сонымен қатар «Алтын сағат» қағидатын сақтай отырып халықтың уақытын үнемдеу яғни босану, ауыр жарақаттар кезінде және басқа да жағдайларда шұғыл медициналық көмек көрсете алатын, сондай-ақ облыс орталығына бармай медициналық көмек көрсете алатын көп бейінді орталық аурухана болады деп күтілуде.
Ұлттық жобаның негізгі мақсатының бірі - барлық ауылдық елді-мекендерде нормативке сәйкес алғашқы медициналық-санитарлық көмек ұйымдарымен оған қажетті заттармен қамтамасыз ету болатын. Осыған орай 2024 жылы 10 дана пациент мониторы аппараты, 2 дана веналарды бейнелеуге арналған венвизор аппараты, 1 дана ванна бальнеологиялық моделі «Гейзер», 1 дана электротерапия аппараты гальванизатор, 1 дана магнитотерапия аппараты магнитотерапия модулі, 1 дана қолдың ұсақ моторикасын қалпына келтіруге арналған кешен, 1 дана иппотерапияға арналған тренажер, 1 дана кресло-коляска, 3 дана «Авангард», «Майгоу», «Сквигглз» креслолары, 1 дана вертикализатор аппараты, 1 дана виброакустикалық аппараты,  10 дана медициналық сорғыш аппараты, 3 дана ларингоскоп аппараты, 1 дана ассенизатор автокөлігі, 12 дана санитарлық Соболь автокөлігі, 10 дана компьютерлік жиынтық алынды.
2025 жылы 1 дана автокөлік, 3 дана көп функциялы құрылғы, 1 дана ішкі қуысына арналған микроконвексті сенсор, 1 дана поршенді ішкі жану қозғалтқышы бар дизельді генератор, 2 дана операциялы үстел, 1 дана операциялы жарықтандырғыш шам, 2 дана жаңа туған нәрестеге арналған инкубатор, 1 дана ашық реанимациялық жүйе, 40 компьютерлік жиынтық алынды.
2025 жылы 1 дана Стационарлық сандық рентгендік флюорографиялық аппаратын алу жоспарлануда.

2024 жылы құны 966 117 221 теңге Төменарық ауылдық ауруханасы емханасымен бірге ғимараты жаңадан салынып, халық игілігіне пайдалануға берілді. Сондай-ақ жыл соңында Қыркеңсе және Талап дәрігерлік амбулаторияларының жаңа ғимараты пайдалануға берілді.

Ауданға қарасты елді-мекендерге газ құбыры жүргізілуіне байланысты, Кейден, Құттықожа, Бірлік, Қыраш елді-мекендеріндегі медициналық ұйымдарды газбен жылыту жүйесіне ауыстыруға жобалау-сметалық құжаттамасы эксперттік талдауға ұсынылды.
Қызылорда облысы Жаңақорған ауданы Жаңақорған кентіндегі аудандық көп бейінді орталық аурухана ғимаратына блок толықтыра отырып қайта жаңғырту жұмыстары 2025 жыл қазан айына құрылыс жобасы толық аяқталып, 1 қабатында МРТ және Ангиограф құрылғысы орнатылса, 2 қабатында 9 төсек орынды инсультті бөлімшесін орналастыру жоспарлануда. Аталған қажеттіліктегі ғимаратты салуға 738 926 мың теңге қаржы қарастырылған.
2024 жылы Самұрық-Қазына АҚ басшылығымен аудандық емхананың ескі ғимаратынан ашылған «Қамқорлық» оңалту орталығының аумағына ойын алаңқайын салуға және көгалдандыруға 56 млн теңге қаржы бөлініп, үстіміздегі жылдың тамыз айында қолданысқа беріледі.
2026 жылы Қандөз дәрігерлік амбулаториясына күрделі жөндеу жұмыстары,  Шалхия, Қожакент, Келінтөбе дәрігерлік амбулаторияларының жаңа ғимаратын, сондай-ақ Жайылма елді-мекенінде халық санының өсуіне байланысты дәрігерлік амбулатория құрылысын салу жоспарлануда.
Демографиялық көрсеткіш: 2024 жылдың 12 айында аудан бойынша 1759 бала дүниеге келіп, туу көрсеткіші 23.5‰. 2025 жылдың 5 айында 650 бала дүниеге келіп, туу көрсеткіші 8.7‰.
2024 жылдың 12 айында аудан бойынша 328 өлім жағдайы тіркеліп, көрсеткіші 4.4‰, 2025 жылдың 5 айында аудан бойынша 145 өлім жағдайы тіркеліп, көрсеткіші 1.9‰ құрады.